Miðvikudagurinn 22.maí 2013.
09:00 Opnar vinnustofan og þar verður saumað, prjónað og heklað til klukkan 16:00.
13:00 Hefst póstúlínsmálun í handleiðslu Sheenu Gunnarsson, myndmenntakennara.
14:00 Verður svo sungið hástöfum í matsalnum með Helgu Gunnarsdóttur, tónlistakennara.
Allir velkomnir!
Síðasta bingóið fyrir sumarfrí verður haldið föstudaginn 10. maí kl. 13:30
Hittumst hress og kveðjum ánægjulegan bingó-vetur 😀
Í dag, föstudaginn 3. maí, opnaði árleg handverkssýning vinnustofanna hér í Félagsmiðstöðinni að Aflagranda 40.
Sýningin er opin sem hér segir:
Föstudagurinn 3. maí frá kl. 13-17
Laugardagurinn 4. maí frá kl. 13-17
Mánudaginn 6. maí frá kl. 13-17
Allir hjartanlega velkomnir – heitt á könnunni og með því 🙂
Miðvikudaginn 17. apríl n.k. mun Guðni halda sitt síðasta bókaspjall í bili. Endilega fjölmennum og þökkum h0num frábæra samfylgd í vetur 🙂
Minnum á helgistundina kl. 14 á morgunn 10. apríl. Prestur og organisti frá Neskirkju. Allir hjartanlega velkomnir!
Þjóðfræði í mynd
Fimmtudaginn 11. apríl kl. 13:30
Sýnd verður myndin: Ásatrú við upphaf 21. Aldar
Hittumst í Krílakoti við hlið matsalarins
Árið 1972 hittust ellefu menn á fundi á Hótel Borg og lögðu grunninn að því að stofnað yrði ásatrúarfélag á Íslandi. Þá voru liðin rétt um eitt þúsund ár frá því að Íslendingar tóku kristni. Hefur hinn forn-norræni menningararfur blundað í Íslendingum öll þessi ár eða hvaða samfélagsþróun varð til þess að eftir öll þessi ár var blásið lífi heiðinn átrúnað?
Eggert Sólberg Jónsson rannsakaði heimsmynd ásatrúarmanna við upphaf 21. aldarinnar í MA ritgerð sinni í þjóðfræði. Í þættinum segir hann okkur frá niðurstöðum sínum, hvaða augum ásatrúarmenn líta trú sína, goðin og tilveruna. Eggert veltir því fyrir sér á hverju ásatrúarmenn í dag byggja trúna, hvaða heimildir þeir hafi um heiðin átrúnað fyrir kristnitöku. Er ásatrúin í dag vakning fornra trúarbragða sem legið hafi í dvala eða er um að ræða endursköpun, einhverskonar tilgátu um hvernig átrúnaður var fyrir árið 1000? Hvaða máli skipta tengslin við trúna fyrir þúsund árum síðan ásatrúarmenn í dag?
Auk Eggerts er rætt við Jóhönnu Harðardóttur Kjalnesingagoða um heimsmynd ásatrúarmanna og samfélag heiðinna manna á Íslandi
Sýning myndarinnar tekur um 15 mínútur og verða umræður í lok hennar.
Allir velkomnir!
Félagsmiðstöðin Vesturreitir verður lokuð fimmtudaginn 28. mars, föstudaginn 29. mars og mánudaginn 1. apríl.
Mötuneytið verður þó opið laugardaginn 30. mars en þeir sem hyggjast borða þann dag eru vinsamlegast beðnir um að panta fyrir kl. 9:30 miðvikudaginn 27. mars.
Með von um ánægjulega hátíð – Gleðilega páska
Starfsfólk Vesturreita
Fimmtudaginn 21. mars fékk Félagsmiðstöðin Vesturreitir og starfsfólk þess afhenda viðurkenningu fyrir að hafa lokið skrefi 1 (af 4 skrefum). Meðfylgjandi eru myndir sem teknar voru af því tilefni 😉
Hér má sjá pólfarann okkar hana Vilborgu Örnu Gissuradóttur ásamt framkvæmdastjóra Vesturgarðs Sigþrúði Erlu Arnardóttur á starfsdeginum 😉
Á föstudaginn s.l. 15. mars var starfsdagur hjá okkur hér að Aflagranda 40, Vesturgarði og Þorraseli í Hlöðunni upp í Grafarvogi. Mikil og góð þátttaka starfsmanna var og mikil ánægja með daginn í heild sinni enda nutum við frábærra fyrirlestra, skemmtiatriða og góðs matar. Látum myndirnar tala sínu máli 🙂
Vesturreitir 